لراوبر ویب پاڼه لراوبر يو افغان – تازه خبرونه
ولسمشر اشرف غني نن سهار کندهار ولايت ته راورسېدی او دلته ئې د څو پروژو د پرانستي مراسم ترسره کړل.
ولسمشر غني لومړی د کندهار هوايي ډګر د ستر ټولواک احمدشاه ابدالي په نوم ونوموی .
وروسته نوموړی د کندهار له ښار څخه تر هوايي ډګر پوري غځېدلی سړک د ارواښاد لوی پاسوال عبدالرازق خان اڅکزي په نوم ونومول.
له دې وروسته به ولسمشر د کندهار د ۱۵ ميګاواټه لمريزي برېښنا پرانسته هم وکړي او ورپسې به همدلته ۳۰۰ بستريز روغتون پرانيزي.