لراوبر ویب پاڼه لراوبر يو افغان – تازه خبرونه
د امريکا ولسمشر ډونلډ ټرمپ وروسته له هغه چي پر ايران د بريد کولو حکم بېرته واخيست ويلي، چي پر ايران ئې ځکه بريد ونه کړ چي ۱۵۰ تنه پکي وژل کېدل.
ښاغلي ټرمپ وويل، چي ما ددغه بريد حکم ورکړ، خو پوښتنه مي وکړه چي په دغه بريد کي څو تنه وژل کېږي، يو پوځي په ځواب کي راته وويل چي ۱۵۰ تنه، نو مي دا حکم لغوه کړ.
….On Monday they shot down an unmanned drone flying in International Waters. We were cocked & loaded to retaliate last night on 3 different sights when I asked, how many will die. 150 people, sir, was the answer from a General. 10 minutes before the strike I stopped it, not….
— Donald J. Trump (@realDonaldTrump) June 21, 2019
د ايران او امريکا ترمنځ اړيکي وروسته له هغه جګړه ايز رنګ واخيستی چي ايران د هرمز تنګي ته څېرمه د امريکا يو بې پېلوټه الوتکه ووېشتل.
ايران ادعا کوي چي دا الوتکه ئې د ايران فضايي حريم ته د راننوتلو وروسته وېشتلې ده، خو امريکا وايي چي الوتکه ئې په نړيوالو اوبو کي رالوېدلې ده.
ټرمپ ددغي پېښي په غبرګون کي پر ايران د بريد کولو حکم ورکړ، خو د بريد لس دقېقې وړاندي ئې دا حکم بېرته لغوه کړ.
ټرمپ وويل، زموږ ځواکونو په ايران کي دننه درې ځايونه د بريد لپاره هدف کړي وه، خو ما مناسبه ونه ګڼل چي د يوې الوتکي د وېشتلو په مقابل کي دي ۱۵۰ کسان ووژل سي.
نړيوال هڅه کوي، چي د ايران او امريکا ترمنځ ترېنګلي اړيکي د خبرو اترو له لاري سمی کړي.