لراوبر ویب پاڼه لراوبر يو افغان – تازه خبرونه
ددولت مخالفې ډلې طالبانو ادعا کړې چې نن جمعه يې په يو وسله وال بريد کې دکونړ ولايت دناړۍ په ولسوالۍ کې افغان او امريکايي ځواکونو ته درنده مرګ ژوبله وراړولې ده ذبيح اله مجاهد چې ځان دطالبانو وياندبولي رسنيو ته ويلي چې په دغه بريد کې يې شپږ امريکايي او اتلس افغان ستيري وژلي نوموړي خپل لور ته دوراوختي زيان په اړه څه ندي ويلي بل لور ته دجلا ل اباد په هوايي ډګر کې دامريکايي ځواکونو افغان ژباړن ډاکتر محمدشفيق همدم بيا په داسې حال کې پرافغان او بهرنيو ځواکونو دطالبانو له لورې ترسره شوى بريد مني خو دمرګ ژوبلې په اړه دهغوې ادعا بې پنسټه بولي.
همدم وايي په دغه جګړه کې چې خواوشاه دوه ساعته يې دوام وکړ يو ولسي وګړى وژل شوى او دوه ولسي وګړي او دملي اردو يو سرتيرې ټپيان شويدي.خو دا په داسې حال کې ده چې ځينو عيني شاهدانو خبري رسنيو ته ويلي چې دجګړې په سيمه کې يې دامريکايي ځواکونو ځينې ويجاړې شوې پوځې شوبلې ليدلي دي.تيره ورځ هم دکونړ په ناارامه ولسوالۍ ماڼوګي کې دطالبانو په ډزو يو امريکايي سرتيرى او دامريکايي چورلکو په بمبارۍ کې څلور تنه ولسي وګړي ټپيان شوي و