لراوبر ویب پاڼه لراوبر يو افغان – تازه خبرونه
اجرائيه رياست وايي، چي په راتلونکې لويه جرګه کي ګډون نه کوي.
د اجرائيه رياست څخه په خپره سوې خبرپاڼه کي ويل سوي، چي راروانه لويه جرګه د افغانستان روان کړکېچ ته مثبته نه تمامېږي نو په همدې اساس اجرائيه رئيس عبدالله عبدالله او د هغه ټيم په دغه لويه جرګه کي ګډون نه کوي.
په اعلاميه کي ويل سوي، چي د لويي جرګې په هکله ددوی سره مشوره نه ده سوې.
له دې وړاندي ولسمشریزو ټاکنو ته نوماند حنيف اتمر هم د راتلونکي لويي جرګې سره مخالفت څرګند کړی وو.
افغان دولت په پام کي لري چي په هيواد کي د سولي په تړاو د ملي اجماع لپاره په نژدې راتلونکې کي په کابل کي لويه جرګه دائره کړي، چي د هيواد د هري ټولني او هري برخي استازي به پکي ګډون ولري.