لراوبر ویب پاڼه لراوبر يو افغان – تازه خبرونه
وروسته له هغه چي د نواز شريف مېرمن کلثوم نواز د جنازې او فاتحې مراسم پای ته ورسېدل نوازشريف، د هغه لور مريم نواز او د مريم نواز خاوند محمد صفدر بېرته اډيال زندان ته لېږدول سوي دي.
دوی درې واړو ته د کلثوم نواز د جنازې او فاتحې په مراسمو کي د ګډون لپاره درې ورځي اجازه ورکول سوې وه او له زندان څخه بهر وه. خو پرون ماښام ئې د خوشي کېدو موده پای ته ورسېده او په الوتکه کي پېنډۍ ته او وروسته زندان ته ولېږدول سول.
کلثوم نواز چي له يوه کال راهيستي د سرطان له ناروغۍ څخه کړېدل تېره سې شنبه د لندن په يوه روغتون کي ساه ورکړه.
پر نواز شريف تور دی چی له هيواد بهر ناقانونه ملکيتونه لري او د درغليو په تور نوموړی په لس کاله، لور ئې په اووه کاله او زوم ئې په يوه کال بند محکوم سوي دي.