لراوبر ویب پاڼه لراوبر يو افغان – تازه خبرونه
د امريکا د بهرنيو چارو وزارت ويلي دي چي زلمي خليلزاد به د امريکا په بهرنيو چارو وزارت کي د افغانستان د سلاکار په توګه کار پيل کړي.
پاکستان ته د سفر پرمهال ښاغلي پومپيو ويلي، ښاغلى خليل زاد د بهرنيو چارو وزارت له ټيم سره يوځاى کېږي چې په افغانستان کې د پخلاينې له چارو سره مرسته وکړي او هغه به په دې برخه کې د وزارت يوه مخکښه څېره وي.
د امريکا د بهرنيو چارو وزير مايک پومپيو چي د پاکستان په سفر راوتلی دی وايي، زلمی خليلزاد به د بهرنيو چارو وزارت له ټيم سره يوځاى کېږي تر څو په افغانستان کي د سولي او پخلايني په چارو کي مرسته وکړي.او نوموړی په دا ډول چارو کي يو مخکښه څېره ده.
تمه ده زلمی خلیلزاد د افغانستان لپاره د امریکا ځانګړی استازی وټاکل سي.
خو تراوسه په دې هکله راپورونه نه دي تاييد سوي.
له دې وړاندي خلیلزاد په افغانستان او عراق کي د امریکا سفیر په توګه دنده اجراء کړې ده. او په ملګرو ملتونو کې د امریکا استازی هم پاته سوی دی.