لراوبر ویب پاڼه لراوبر يو افغان – تازه خبرونه
د افغانستان کرکټ بورډ له لوري د هیواد د شپږو زونونو کرکټ لوبډلو ترمنځ د غازي امان الله خان لیسټ A پنځوس اوریزې لوبې د دویم ځل لپاره پيليږي .
دغه لوبې ، چې په خوست او کابل کې به پيل شي ، د جولای میاشتې له ۱۰ نيټې به تر ۲۲ نيټې پورې دوام وکړي .
د يادو سياليو د دوهم پړاو ځینې لوبې به په تلويزيون په ژوندۍ بڼه وښودل شي او د ملي لوبډلې لوبغاړي به هم په کې ولوبيږي .
تیر کال د افغانستان کورني کرکټ پنځوس اوریزو لوبو ته د کرکټ نړیوالې شورا له لوري د لیست A دریځ ورکړل شو، ددغه دریځ تر ورکولو وروسته د افغانستان پنځوس اوریزو لوبو په نړیواله کچه رسمیت ترلاسه کړ، چی د هرې لوبې او پدې لوبو کې د لوبېدونکو لوبغاړو کړنې ( ریکارډونه ) په نړیواله کچه ثبتیږي.
تیر کال په دغو سیالیو کې سپین غر زون لوبډلې اتلولي ترلاسه کړې وه او دا ځل به له خپلې اتلولۍ دفاع کوي.
