لراوبر ویب پاڼه لراوبر يو افغان – تازه خبرونه
په کراچي کي د کيڼ اړخه ځوانانو سازمان وايي، په ياد ښار کي د لاريونونو وروسته د همدې سازمان نهه کسان لادرکه سوي دي.
د پښتون ژغورني غورځنګ مشر منظور پښتين هم پر خپله فيسبوکپاڼه ليکلي، چي په کراچۍ کي ددوی د غورځنګ نهه ملاتړي نيول سوي دي او که دوی ژر راخوشي نه سي په ټوله سيمه کي به کاربنديز اعلان کړي.
تردې وړاندي هم پاکستاني پوليسو په لاهور کي د ياد غورځنګ څو مشران ونيول چي تر شپږ ساعته ځنډ وروسته يې بېرته خوشي سول.
پاکستان هڅه کوي چي د پښتون ژغورني غورځنګ په بېلابېلو نومونو تورن کړي او ددې غورځنګ د غونډو او لاريونونو پر وړاندي ستونزي جوړوي. خو پښتانه مشران وايي، دوی د خپلي ازادۍ لپاره ږغ اوچت کړی دی او هيڅ ډول غير قانوني کړني يې نه دي کړي.