لراوبر ویب پاڼه لراوبر يو افغان – تازه خبرونه
پرون شپه د جون د میاشتې پنځه ویشتمه (۲۵) چې د روژې مبارکې میاشتې له یو ویشتمې شپې سره برابره وه ، د بلجیم په انتورپن ښار کې د افغانانو په جامع جومات کې د پاک قران ختم تر سره شو.
ختم د قدرمن قاري عبدالمجید په امامت پیل شوی وو ،چې د ډېرو افغانانو په ګډون پای ته ورسېد.
تر تراووح او ختم وروسته قدرمن قاري عبدالمجید چې په اسلامي مینه او افغاني ویاړ له ناروي هېواد نه بلجیم ته راغلئ وو، د ګران هېواد په روان حالت سخت خپه وو ؛ ځکه يې نو د زړه له خلاصه خپلوو ځورېدلي او دردېدلي هېوادوالو ته دعاګانې وکړي.
وروسته د نړۍ ټولو مسلمانانو ته او له دې فاني دنیا څخه ټولو تللو ته د مغفرت دعاګانې وکړي.
یاد ختم ته د بلجیم له بېلابېلو ښارونه څخه په ډېر شمېر افغانان راغلي ول ، او هر یوه کوښښ کاوه چې جامع جومات ته دننه شي او د ثواب د پاره په ختم کې برخه واخلي.
ختم چې د شپې ناوخته پای ته ورسېد خو بیا هم زمونږ ځینې وروڼه د اسلامي احساس له مخې د نعت شریف په ویلو ،او همداسې ځینو نورو ورونو د خوږ اسلام په رڼا کې د ورورولۍ او یووالي خبرې راغلوو ګډونوالو ته وکړي .
د افغانانو په جامع جومات کې د روژه ماتې پروګرام به د روژې ترپایه پورې دوام لري.
«په اسلامي مینه او درنښت»
د افغانانو جامع جومات او افغان کلتوري ټولنه
