لراوبر ویب پاڼه لراوبر يو افغان – تازه خبرونه
د ملي امنیت لوی ریاست موظفینو د تخار ولایت په اشکمش ولسوالۍ کې د یو لړ عملیاتو پر مهال د مصعب په نوم مشهور محمد ایوب نومی ځانمرګی بریدګر او د هغه لېږدونکی محمد ابراهیم چې په تخار ولایت کې د ځانمرګو بریدونو د طرح کوونکي قوماندان طوره په لارښوونه یې هوډ درلود د تخار ولایت په یو له ګڼې ګوڼې ډکه سیمه کې ځانمرګی برید ترسره کړي نیولي دي.
نیول شوو کسانو منلې چې په تخار، بغلان او کندز ولایتونو کې یې د افغان امنیتي ځواکونو پر وړاندې په ګڼ شمېر عملیاتو کې رغنده ونډه لرلې ده.