لراوبر ویب پاڼه لراوبر يو افغان – تازه خبرونه
د جمعې په ورځ مازېګر مهال څو نامعلومه وسله والو کسانو د هلمند په ګرشک ولسوالۍ کي د حاجي عبدالباري په نوم يو مخور قومي مشر وژلي دي .
ځايې خلک وايې چي حاجي عبدالباري د جومات څخه د خپل کور پر لور روان چي دوو موټر سيکل سپرو په ډزو وواژه او وروسته په تېښته بريالي سول .
د هلمند د پوليسو مشر مل پاسوال محمد حسين انډيوال د ياد سوي قومي مشر د وژل کېدو د پخلي تر څنګ دا کار غندي او وايې چي نوموړي قومي مشر ددولت سره کومه اړيکه نه درولده .
انډيوال زياتوي چي حاجي عبدالباري يو مخور قومي مشر وو او تل به يې د خلکو ستونزو ته د حل لاري لټولې .
تر اوسه ددغي پيښې پړه چا پر خپله غاړه نه ده اخيستې او نه يې هم امنيتي مسؤلينو څوک په تور نيولي دي .
په دې وروستيو کي د هلمند امنيتي وضعه د پخوا په شان د ډير ډاډ وړ نه ده او ډېر ځله پکي ورته پيښې رامنځه ته کيږي انسان تښتوونکي هم خلک تښتوي او له څو ورځو وروسته يې مړي وموندل سي چي د دې کار له امله د هلمند عادي خلک هم له ويري سره مخامخ سوي دي .