د کندهار امنیه قومندان د زندان د پېښې په تړاو له دندې لری شو.

د کورنیو چارو وزارت اعلان کړی دی چې د کندهار امنیه قومندان سید اقا ثاقب، ددغه ولایت دامنیت امر او جنايي مدیر له دندو لری کړي او څارنوالۍ ته یې د پلټنو لپاره ورپېژندلي.
د کورنیو چارو وزارت له لوري لر او بر ویبپاڼې ته په راغلې خبرپاڼه کې لیکل شوي چې د کندهار نوي قومندان یې سمونوال مطیع الله ټاکلی ، په خبرپاڼه کې دا ډول لیکل شوي د کندهار په زندان د وسلوالو طالبانو له برید وروسته کورنیو چارو وزارت یو پلاوی د امنیتي مرستیال منیر منګل په مشرۍ لیږلی وو چې د پلټنو په ترڅ کې ورته معلومه شوې چې دغو امنیتي چارواکو په خپلو دندو کې له لټۍ او تمبلۍ نه کار اخیستی او پیښه را مخ ته شوی.