لراوبر ویب پاڼه لراوبر يو افغان – تازه خبرونه
كورنيو چارو وزارت د ۱۹ وسله والو طالبانو د وژلو خبر وركړ د كورنيو چارو وزارت وايي، د هېواد په بېلابېلو سيمو كې د امنيتي ځواکونو په ګډو تصفيوي عملياتو كې ۱۹ وسله وال طالبان وژل شوي، يو ټپي دى او ۷ تنه نور ژوندي نيول شوي دي.
د دې وزارت مطبوعاتي دفتر څخه نن په خپره شوې خبرپاڼه كې راغلي دي، چې دغه تصفيوي عمليات په تېرو ۲۴ ساعتونو كې د ننګرهار، تخار، فارياب، سرپل، جوزجان، کندهار، اروزګان او يو شمېر نورو ولايتونو په مربوطاتو كې د ملي پوليسو، ملي اردو او ملي امنيت ځواکونو لخوا ترسره شوي دي.
د سرچينې په وينا، په يادو عملياتو كې يوه اندازه وسلې او مهمات هم د امنيتي ځواکونو لاسته ورغلي دي.
خپله وسله والو طالبانو تراوسه په دې اړه څه نه دي ويلي.