لراوبر ویب پاڼه لراوبر يو افغان – تازه خبرونه
د كورنيو چارو وزارت وايي چي د هېواد په بېلابېلو سيمو كې د امنيتي ځواکونو په ګډو تصفيوي عملياتو كې ۲۱ وسله وال طالبان وژل شوي، ۸ ټپيان دي او يو تن ژوندى نيول شوى دى.
د دې وزارت مطبوعاتي دفتر څخه نن په خپره شوې خبرپاڼه كې راغلي دي، چې دغه تصفيوي عمليات په تېرو ۲۴ ساعتونو كې د ننګرهار، بغلان، تخار، فارياب، سرپل، جوزجان، کندهار او يو شمېر نورو ولايتونو په مربوطاتو كې د ملي پوليسو، ملي اردو او ملي امنيت ځواکونو لخوا ترسره شوي دي.
د سرچينې په وينا، په يادو عملياتو كې يوه اندازه وسلې او مهمات هم د امنيتي ځواکونو لاسته ورغلي دي.
خپله وسله والو طالبانو تراوسه په دې اړه څه نه دي ويلي.