اجرائیه رئیس ډاکټر عبدالله په هیواد کي د افغان- ترک ښوونځیو له عمومي رئیس سره وکتل

اجرائیه رئیس ډاکټر عبدالله په هیواد کي د افغان- ترک ښوونځیو له عمومي رئیس سره وکتل

د افغانستان د اسلامي جمهوريت اجرائیه رئیس ډاکټر عبدالله عبدالله په هیواد کي د افغان-ترک ښوونځیو له عمومي رئیس سره وکتل.

د افغان-ترک مکتبونو عمومي رئیس ښاغلي نعمان اردوغان په ننۍ لیدنه کي د هیواد اجرائیه رئیس ته د هغو ښوونځیو د فعالیت او کیفیت په اړه معلومات ورکړل، چي په افغانستان د افغان-ترک تر نامه لاندي فعالیت کوي.

نوموړي وویل، چي دوی د افغانستان په لویو ولایتونو کي مکتبونه لري، چي ۷ زره افغان زدکوونکي پکښي زدکړي کوي او د خپل فعالیت په جریان کي یې تر دې دمه پوري ۴۰۰۰ افغان شاګردان فارغ کړي دي.

هغه یادونه وکړه، چي ددوی د مکاتبو فارغین همدامهال په ۴۱ هیوادونو کي په لوړو زدکړو بوخت دي او په افغانستان کي دننه یې هم د کانکور ازموینو په نتیجه کي په لوړو نمرو سره ښو پوهنځیو ته لاره پیدا کړې ده.

د افغانستان د اسلامي جمهوریت اجرائیه رئیس ډاکټر عبدالله عبدالله د افغان-ترک ښوونخیو له عمومي سره په لیدنه کي د هغوی د ښو او با کیفیته تعلیمي خدماتو ستاینه او مننه وکړه.

هغه وویل، چي ښه تعلیم د افغانستان د روښانه راتلونکي لپاره اساسي اهمیت لري او په دې برخه کي تر دې دمه د افغان-ترک مکاتبو فعالیت د یادوني وړ دی.

اجرائیه رئیس ښاغلي اردوغان ته وویل، چي حکومت له خپل جانبه هر اړخیزي مرستي ته امادګي لري او د کومک لپاره به هیڅ ډول هڅي درېغ نکړي

صدیق الله پوپل لراوبر ډاټ کام