لراوبر ویب پاڼه لراوبر يو افغان – تازه خبرونه
نن د زابل ولایت په مرکز کلات کې په یوه ځانمرګي موټربم برید کې درې کسان وژل سوي دي.
د زابل امنیه قوماندان مل پاسوال غلام سخي روغ لیوني رسنیو ته وویل چې دغه موټر بم برید نن غرمه مهال شاوخوا یوولس نیمې بجې د مرکز کلات اړوند د باکورزو په سیمه کې رامنځته سوي او په کې د دې کورولا موټر چلوونکی او دوه ځانمرګي برید کوونکي وژل سوي دي.
امنیه قوماندان وایي پولیسو ته درې ورځې وړاندې د دې برید په اړه د یوه کشفي راپور په اساس خبر ورکول سوی وو چې بالاخره نن د تالاښۍ پر ځنځیر د پولیسو له خوا په نښه سو.
په دې برید کې پولیسو او عامو وګړو ته کوم زیان نه دی اوښتی.