لراوبر ویب پاڼه لراوبر يو افغان – تازه خبرونه
د کندهار د والي مرستيال عبدالقدیم پتیال چي پرون ویشتل سوئ او وژل سوئ، نن ماپښین يې جنازه د کندهار پوهنتون د مشاهرو په هدیره کي خاورو ته وسپارل سوه.
.د جنازې په دغه مراسمو کي کندهار والي پوهاند ډاکټر توریالی ویسا ، د پارلمان او ولایتي شورا وکیلانو، لیکوالانو ، ادیبانو او په سلګونو سپین ږيرو او ځوانانو ګډون کړی جنازې تر مراسمو وروسته کندهار والي پوهاند ډاکټر توریالي ویسا د رسنیو سره په خبرو کي شهید پتیال پر وطن او سولي مین کس وباله او د هغه مړینه يې یوه لویه او نه جبرانېدونکې ضایعه وبلل.ښاغلي ویسا د شهید عبدالقدیم پتیال د قاتلینو د نیولو په اړه وویل ، چي امنیتي اورګانونو ته يې دنده سپارلې تر څو جدي څېړیني او پلټني وکړي او د شهید قاتلین ژر تر ژره ونیسي او د قانون منګلو ته يې وسپاري .ده همدارنګه زیاته کړه ، چي جمهور رئيس محمد اشرف غني هم یو پلاوی ټاکلی او ډېر ژر به کندهار ته راورسیږي
.ارواښاد عبدالقديم پتيال د حاجي سردارمحمد زوی او په ۱۳۶۲ ه ش کال کي د کندهارښار په لومړۍ ناحيه کي زېږېدلی ؤ ..پلرنی ټاټوبی يې کندهار د ارغنداب ولسوالۍ د کوهک کلی ؤ.عبدالقديم پتيال په ١٣٨٨يم کال کي له ښوونځي څخه فارغ او په ١٣٨٩يم کال کي يې د کانکور ازموينه ورکړه، چي په لوړو نمرو د کندهار پوهنتون د تعليم او تربيې پوهنځۍ د پښتو ادبياتو څانګي ته بريالى سو.ارواښاد د پښتو تر څنګ په دري او انګليسي ژبو پوره برلاسی او وخت پر وخت يې په همدې ژبو په ډېره روانه لهجه په مجالسو کي خبرې کولې