لراوبر ویب پاڼه لراوبر يو افغان – تازه خبرونه
وایې چې؛ خپله ژبه هم کلأ ده هم بلأ.
د پاکستان میلونونو وګړۍ په خپلو ذخمونو د پټې لګولو هیله یواځې د عمران خان په بریأ کې وینې.
خو په ګاوڼ کې افغانان عمران خان د هغه د زهرجنو خبرو تریخوالې لا تر اوسه ندي هیر کړي او هغه تش د پاکستانې ګل مرجان په نوم پیژنې او بس!
که څه هم د عمران خان تګلاره د بیوزلو پاکستانیانو لپاره به تر یوه حده خوږ زیری وی. هغه به د فساد پر وړاندی په کلکه مبارزه وکړي، او د حکومت داری یوه ښه بڼه به د لومړی ځل لپاره خپلو هیوادوالو ته وړاندی کړي.
همدارنګه، عمران خان د موډرنه سیاستوالو څخه دي چې څه موده ئې په غرب کې تیره کړي، او د سیاست لېدلورې ئې د غربې هیوادنو کاپې ده. پدي مانا چې، د هغه سیاست پر اقتصاد را څرخې. او تر ډیره کچه به په خپل سیاست کې د ګاوڼدیانو سره د خپلې ګټې په خاطر د نرمې نه کار اخلې.
د عمراخان واکمن کیدلو په صورت کې به د پاکستان او افغانستان روابط هم ښه شی، او د پاکستانی حکومت سره به تر ډیره حده د افغانستان دولت د سم پوهاوی فضأ رامنځ ته شې. د افغانستان حالاتو ته په کتلو سره کیدالې شي د ډیورڼډ لانجمن بحث هم د وخت حکومتونو لخوا تر غور لاندی ونیول شی.
په خټه پښتون عمران خان به د پاکستان قبائلې سېمو ته چې لا تر اوسه د دنیا له هر نعمت نه محروم پاتې شوي تر ډیره حده پاملرنه وکړي، او د سېمې پښتانو او بلوچانو ته به د تعلیم ښه زمینه برابره کړي. د سېمي پاکستانې طالبان چې د ټاکنو پر مهال هم د عمران خان په پلو وو، د جرګو او مرکو له لارې روغې، جوړي ته ټټر ووهې، کوم کار چې لاتر اوسه د هیواد یوه نظام هم ونکړلې شو.
د بلوڅو بېلتون پاله ډله هم د عمران خان په ژبه پوهیږي، او کیدلاې شي چې په یوه تغر سره کینې؟
د افغان مهاجرو راتلونکې هم د هغو ګنګو بحثونو څخه دی چې لاتر اوسه ئې په اړه دواړو حکومتونو تودی خبری ندی کړی. همداشان د پاکستان حکومتې لاسوهنو مخنیوی د افغانستان په چارو کې به د یوه غوځې پالیسی په ډول تر سره شې.
د هند او پاکستان شخړه چې د هند په پرتله د پاکستان په زیان ده هم تر اوږدی مودی پوری ګنګه او یا هم شاته پریښودل شې.
عمران خان که د پورتنې مثبتو ټکو عملې کول غواړي او د خپل حکومت بریأ غواړي نو د خپل هیواد نه دي ډیر احترام افغانستان ته ولرۍ. ځکه د پاکستان امن، ثبات، سیاسې او اقتصادي پرمختګ د یوه با امنه افغانستان پوري تړلې دي.
اوس پاکستانې ګل مرجان که غواړي چې بیرته عمران خان شې نو باید د بريأ په صورت کې او یا د بریا تر مخه دي د افغانانو څخه د خپلو زهرجنو خبرو بښنه وغواړي. تر څو د دواړو دولتونو تر منځ شخړو ته نوره لمن ونه وهل شې. که چیری هغه دا کار ونکړې، نو افغانان به د خپل دولت نه د هغه پر راتګ کابل ته د بندیز لګولو جدي غوښتنه وکړي!
