لراوبر ویب پاڼه لراوبر يو افغان – تازه خبرونه
د دوو زده کوونکو په ګډون ۶ وسله والو طالبانو ته مرګ ژوبله واوښته.
د میدان وردګو ولایت په سیداباد او دایمیرداد ولسوالیو کې تېره ورځ د بېلابېلو پېښو په ترڅ کې د ښوونځي دوه زده کوونکې ټپیان شوي،د وسله والو طالبانو یو قوماندان وژل شوی او د یو قوماندان په ګډون درې نور مخالفین ټپیان شوي دي .
د سیداباد ولسوالۍ په ګوګر سیمه کې د وسله والو مخالفینو لخوا د توغول شوي توغندې د لګیدو له امله د یادې سیمې د پوزک لیسې دوه زده کوونکي ټپیان شوي دي.
همدا راز د دایمیرداد ولسوالۍ په شیرخان سیمه کې د امنیتي ځواکونو او مخالفینو ترمنځ د نښتې په ترڅ کې د وسله والو طالبانو یو قوماندان صلاح الدین وژل شوی .
همدا راز د یادې نښتې په ترڅ کې د وسله والو طالبانو یو بل قوماندان حمیدالله په ګډون درې نور ټپیان شوي دي .
د حکومت د دې ادعا په اړه خپله وسله والو تر اوسه څه نه دي ويلي.