لراوبر ویب پاڼه لراوبر يو افغان – تازه خبرونه
كندهار ښار ته څرمه له ارغنداو ولسوالي څخه په سوونو كورنۍ مخ پر ښار راماتي دي.
د دې كورنيو ډېره برخه د ښار په شمالي سيمه لويه واله د خپلو دوستانو كره ځاى پر ځاى كېږي او يا هلته كورونه په كرايو نيسي.
چارواكي وايي د پنځو سوو په شاوخوا كي طالبانو وړمه شپه د ارغنداو ولسوالي ځيني برخي نيولي دي.
د ا په داسي حال كي ده چي فقط څلور ورځي دمخه د كندهار محبس طالبانو په يوه بريالي بريد كي مات كړ او د محبس شاوخوا ۸۷۰ بنديان يې ايله كړل.
عيني شاهدانو د امريكا ږغ 
انګريزي څانګي ته وويل، طالبانو په سيمه كي ځيني غټ او كوچني پلونه په بمونو الوزولي دي، چي سيمي ته د دولتي عسكرو ته د ورتګ مخنيوى وكړي. د ارغنداو د پوليسو قومندان زمري لراوبر ته د ټيلفون پر ليکه وويل چي د خوجه ملک يا بابا صاحب زيات ته نژدې لويو پلونو ته هيڅ زيان نه دی اوښتی ، طالبانو په يوه کلي کي د يوې ويالې پول په بمونو الوزولی دی ، د ارغنداب يو شمېر اوسيدونکو نن د کندهار په چوڼۍ او لو واله کي د لراوبر له خبر يال سره په خبرو کي وويل چي دوی له احتمالي بريد له بيري له خپلو کورونو او باغونو راوتلي دی ، خو له طالبانو هيله لري چي ددوی پر کورونو ، جايدادونو بريدونه ونه کړي او نه بهرنيو ځواکونو ته موقع په لاس ورکړي چي ددوی شنه فصلونه او د انارو باغونه په بمباريو بمبارد کړي . دطالبانو رسمي وياند قاري يوسف لراوبر ته په راليږل سوي ليک کي وايي چي ددوی جنګياليو چي قاري يوسف يې د اسلامي امارت مجاهدين بولي د ارغنداب ولسوالۍ په بېلابېلو کليو کي ځای پر ځای سوي دي او پر دولتي او بهرنيو ځواکونو د بريد لپاره ځانونه چمتو کوي .
بله خوا قاري يوسف لراوبر ته په رالېږل سوي ليک کي ويلي چي ددوی سرتيرو،د کندهار ولايت د ارغستان ولسوالۍ مرکز ته نژدې، ددې ولسوالۍ او کندهار ښار پر لويه لاره د” شکور د وطاق” په نوم د پوليسو پر يوې مهمې پوستې چې دولسوالۍ له مرکزنه په پنځه (۵)کيلومتري کې لويديځ لوري ته پرته ده ، بريد کړی ، مېشت پوليسو ته يې درنه مرګ ژوبله اړولې او پوسته يې په بشپړه توګه ددوی په وينا فتح کړې ده ، قاري يوسف وايي چي د تر بريد وروسته نور دولتی سرتيري سيمي ته ورسيدل او له دوی سره په جګړه بوخت سوه ، طالب وياند وايي په دې بريد او جګړه کي طالبانو ته هيڅ زيان اوښتی نه دی .