لراوبر ویب پاڼه لراوبر يو افغان – تازه خبرونه
جمهوري رياست ته کانديد عبدالله عبدالله تر هغه وروسته د نيوکي كولو اصولي او اخلاقي سرحد مات کړ چي د دوهم پړاو ټاکنو په لومړنيو شمېرنو کي بايلونکی وبلل سو.
نوموړي په يوه خبري کنفرانس کي د خپل سيال کانديد ډاکټر محمد اشرف غني پلويان پسونه وبلل، نوموړي وويل هغه “او کسائيکه ګوسفند برايشان رايه داده ، تعداد ګوسفندهای ان ولايت هم برايشان نميرسد” هغه کسان چي پسونو رايه ورکړېده د هغو ولايتونو د پسونه هم دغه تعداد ته نه رسېږي.
د نوموړي دغه بې مسوليته څرګندونو دده په خپله ډله کي دده د لږ شمېر پښتنو ملاتړو او ډاکټر محمد اشرف غني ته مليونونو رايه ورکوونکو ته سپکاوئ بلل سويدی.
د فېسبوک ټولنيزي رسنۍ پر پاڼو هم افغانانو غبرګون ښوولئ او د نوموړي دغه او دې ورته څرګندوني يې د عبدالله عبدالله او دده د ملاتړو د اصلي کرکټر څرګندوی بللي دي دي.
د اجتماعي چارو څارونکو د نوموړي دغه وينا د ټولنيزو او سياسي اخلاقو ضد بللې او غندلې ده.
ولسمشرۍ ته کانديد عبدالله عبدالله تر اوسه ددغو غبرګونونو په اړه نظر نه دی څرګند کړی.