رایه نه ورکول، مانا:

پر خپل ځان چلیپا راکښل،
له خپلې هستۍ انکار،
خپل وجود نفي کول،
د خپل خلقت له عظمت څخه تېښته،
دانسان شان ته، د الهي کرامت سپکاوی،
ځان د ابدي غلامۍ ذلت ته سپارل،
د ژوند درنښت او ارزښت ته د پای ټکی،
د استبداد او ديکتاتورۍ شیطان ته سجده،
د پردۍ ارادې، د تور سیوری تر چتر لاندې، سر کوزي،
په مړو سترګو، د خپل ناموس د سنګر نسکورېدو سیل،
د خپلواکۍ له شرف سره خدای پاماني،
د خپل وجدان انفجار
او له یوه، ودان افغانستان، سره بېساري حساسیت.
سبا به یې ګورو!

رایه ورکول، مانا:
د خپل وجود د اثبات سند لاسلیکول،
خپلې هستۍ ته رنګ و رونق ورکول،
خپل سرنوشت د شیطان له شره ژغورل،
د استقلال پرمسیر د مزل اول ګام،
د بېګانوو پر ارمانو، خاورې اړول،
انسان ته، د خدایي کرامت پر ورکړه، جانانه شکرانه،
د وطندوستۍ تر ټولو پوخ ثبوت.
د خپل عزت په وزرو عقابي پرواز،
د برخلیک ګټنې په مبارزه کې، خپله برخه مسؤلیت اداینه،
هر فکري- فرهنګي او نظامي اشغال ته د ختم نقطه،
د خپل مغز په څراغ، خپل چاپېر چل، څراغانول،
د خپل ایمان پر مټ، د خپل وجدان تکیه،
او د خدای و مخلوق په حضور کي د، ودان افغانستان، د تعهد تازه کول،
سبا به یې ګورو!