لراوبر ویب پاڼه لراوبر يو افغان – تازه خبرونه
اسلام اباد :دبي بي سي دخبرله مخې د پاکستان تر ټولو لوی ښار کې وسله والو کسانو د دغه ښار هوايي ډګر ته څېرمه د هوايي ډګر ساتونکو ځواکونو پر یوه کمپ برید کړی.د امنیتي ځواکونو یوه ویاند په وینا پهلوان ګوټ سیمه کې چې هوايي ډګر ته څېرمه ده اوس هم نښته روانه ده.دغه سیمه کې د پوځیانو اوسېدو یوه مېنه ده، خو تر اوسه د مرګ ژوبلې په اړه راپور نه دی ورکړل شوی.د پاکستان دولتي تلویزیون په رپوټ کې ویل شوي، چې سیمې ته ګڼ امنیتي ځواکونه غوښتل شوي دي.دغه سیمه د هوايي ډګر هغې دروازې ته څېرمه ده، چې د یکشنبې په شپه پرې وسله والو برید کړی و. پاکستاني چارواکو تېره ورځ پر کراچۍ هوايي ډګر تر برید وروسته د دغه ډګر الوتنې بېرته پیل کړې، خو اوس یې د نامعلوم وخت لپاره بېرته الوتنې بندې کړې دي.