لراوبر ویب پاڼه لراوبر يو افغان – تازه خبرونه
ملي احساس ورځپاڼې چې له تېرو درې نيمو کلونو په پرله پسې ډول په خوست کې
چاپ شوه خو وروسته له ١٠٠٠ ګڼو د ځينو ستونزو په اساس د باصلاحيته بورډ
په مشوره ورځپاڼه په مجله بدله شوه، او غواړو له دې وروسته د مجلې له
لارې خپله مبارزه ژوندۍ او جاري وساتي.
ملي احساس ورځپانې د خپل درې نيم کلن بهير په ترڅ کې په هېواد کې د نافذه
قوانينو په چوکاټ کې د حقايقو راڅرګندولو، ملي يووالي د ټينګښت، ځمکنۍ
بشپړتيا ساتنې، د سولې، پرمختګ، بيارغونې، د شخړو د هواري، د خلکو او
دولت ترمنځ د واټن راکمولو او ختمولو همدا ډول نورو بې شمېره مثبتو
اهدافو لپاره مبارزه وکړه او د خپلو هېوادوالو په ځانګړي ډول د يادې
ورځپاڼې د دوستانو او مينه والو په مرسته يې په هره ګڼه کې داسې مواد
خپاره کړل چې د عامه اذهانو د تنوير سبب وګرځي.
دا چې له دې وروسته د ورځپاڼې بڼه مياشتنۍ مجلې ته واوښته له خپلو په
هېواد کې د قلم له خاوندانو، دوستانو، مينه والو او لوستونکو هيله کوو چې
د تېر په څېر په خپلو مادي او معنوي مرستو زموږ د مجلې لمن هم ژوندۍ او
ښېرازه وساتئ.
په درنښت
