سلام مخابراتي شبکې په وردګو کي خپل کار پيل کړ

په میدان وردګو ولایت کې سلام مخابراتي شبکې خپل فعالیت په رسمي ډول پیل کړ.
په میدان وردګو ولایت کې سلام مخابراتي شبکې د یو لړ ځآنګړو مراسمو په ترڅ کې ،چې د دغه ولایت د والي سربیره،په کې د مخابراتو او معلوماتي ټکنالوژۍ وزارت مرستیال او یو شمیر نورو په کې ګډون کړی وو،خپل فعالیت په رسمي ډول پیل کړ.
د مخابراتو او معلوماتي تکنالوژۍ وزارت مرستیال انجینر بریالي حسام وویل:
میدان وردګ ۲۳ ولایت دی‎،چې په کې به سلام مخابراتي شبکې خپل فعالیت پیل
کړ.
ده زیاته کړه،په میدان وردګو ولایت کې اوس مهال د سلام مخابراتي شبکه په ۷ سایډونو کې فعاله کړې،چې شاوخوا ۵۰۰ زره وګړي ترې ګټه اخیستلای شي او
ډیر ژر به ۸ نور سایډونه فعال کړي،چې ګڼ شمېر نور وګړي به هم ترې ګټه واخلي .
د نوموړی په وینا یاد ۷ سایډونه،چې د یومیلیون او ۳۰۰ زره امریکایي ډالرو په مالي لګښت یې برابر کړي،په مرکز میدان ښار،مرکزي بهسودو،حصه اول بهسودو او نرخ ولسوالیو کې فعالیت کوي .
هغه وایي سلام مخابراتي شبکې څخه به د میدان وردګو ولسونه وکولای شي،چې
پخپل منځې کې ویډیویې خبري وکړي او د انټرنیټ له 3G سهولتونو څخه په مناسب قیمت استفاده وکړي .
د میدان وردګو والي ښاغلي عبدالمجید خوږیاڼي د مخابراتو او ټکنالوژۍ وزارت له مشرتابه او کارې ډلۍ څخه مننه وکړه،چې په دغه ولایت کې خپلې چارې پیل کړي .
هغه سلام مخابراتي شبکه له اوسني عصر سره برابره وبلله او زیاته یې کړه،
د دغه مخابراتي شبکې په وسیله کورنۍ او ولسونه په اسانه،چې هر ځای کې وي
یو بل سره لیده کاته او خبرې اترې ترسره کولای شي.
د مخابراتو او معلوماتي ټکنالوژۍ له وزارت څخه غوښتنه وکړه،چې د دغه ولایت ټولو سیمو ته دې خپل خدمتونه ورسوي،ترڅو د لرې پرتو سیمو خلک هم له سلام مخابراتي شبکې څخه ګټه واخلي .
د یادونې وړده،په میدان وردګو ولایت کې تردې وړاندې افغان ټیلي کام،افغان بیسم،روشن او اتصالات مخابراتي شبکو فعالیت درلود