لراوبر ویب پاڼه لراوبر يو افغان – تازه خبرونه
له چادري څخه په ګټې اخیستنې د مخالفو وسلوالو او افغان امنیتي ځواکونو ترمنځ په نښته کې دواړو لورو ته مرګ ژوبله اوښتې.
نن سهار وختي د ۳ نیمو بجو په شا و خوا کې د مخالفو وسلوالو یوه لویه ډله چې چادري ګانې پر سر کړې وې د الینګار مهترلام تر منځ د غځیدلې لویې لارې په اوږدو کې د بسرام په سیمه کې د محلي پولیسو په یوه امنیتي پوسته برید کړی چې له امله یې څلور پولیس وژل سوي.
د برید سره سم د نیږدې نورو امنیتي پوستو له لوري په مخالفینو هم ځوابیه برید شوی او مرګ ژوبله ور اړول شوې خو ولې کره شمیره یې څرګنده نه ده.