لراوبر ویب پاڼه لراوبر يو افغان – تازه خبرونه
دزابل ولایت امنیت امر ډګروال غلام جیلاني فراهي خبرورکوي چې نن سې شنبه ماپښین دوې بجې دمرکز کلات اړوند نورک سیمه کې پرماشومانو باندي هغه وخت دماین چاودنه سوې کله چې هغوی لوبې کولې.
امنیت امر وايي پدې چاودنې کې اته ماشومان ټپیان سوې او یو وژل سوی دی او دهغه په خبره ټپیان دامهال په ولایتي روغتون کې تردرملې لاندي دي او روغتیايي حالت يې دډاډ وړدی.
ښاغلی فراهي وايي چي ددوی ځیړنې روانې دي او تردامهاله يې دپيښې په اړوند څوک ندي نیولي.
په زابل کې پرماشومانو باندي پداسې حال کې دماین چاودنه کیږي چې تیره ورځ هم په مرکز کلات کې دیوه ځانمرګې برید په ترڅ کې ۴ کسانو ته مرګ ژوبله واوښتل.