لراوبر ویب پاڼه لراوبر يو افغان – تازه خبرونه
د میدان وردګو والي ښاغلي عبدالمجید خوږیاڼي د دغه ولایت یو شمېر لوبغاړو سره په لیدنه کې له ټولو مرستندویه ادارو څخه غوښتنه وکړه،چې په دغه ولایت کې د دې د ثبات د لاټینګښت په موخه په دې ولایت کې له لوبغاړو سره مرستي وکړي .
نوموړی زیاته کړه،د میدان وردګو ولایت د بېلابېلو لوبو لوبغاړي د هېواد په کچه ښې لوبې ترسره کړي او همدغه لوبغاړي کولای شي،چې د دې ولایت په کلیو بانډو کې د سولې او ثبات د لا ټینګښت په موخه کار وکړي .
هغه د افغانستان المپیک ملي کمیټې او د کرکټ بورډ عمومي ریاست څخه هم
غوښتنه وکړه،چې په دغه ولایت کې د بېلابېلو ولایتونو ترمنځ د سیالیو ترسره کولو ترڅنګ د بېلابېلو لوبغاړو سره مرسته وکړي .
د یادې لیدنې په ترڅ کې د میدان وردګو والي له لوري یو شمېر لوبغاړو ته،چې په بېلابېلو لوبو کې له ځانه وړتیا ښودلې وه او لومړۍ درجې خپلې کړې وې،کپونه،مډالونه او ستاینلیکونه ورکړل