لراوبر ویب پاڼه لراوبر يو افغان – تازه خبرونه
د بنو په تاجزۍ سيمه كي پوليسو د يوه موټر د پلټني پر مهال يو تن له ۸۴۰ كيلوګرامه بارودو سره نيولئ دئ.
پوليس وايي دغه كس غوښتل بارود د قبايلو آدم خېل درې ته انتقال كړي، چي هلته د وسلو په جوړلو كي كار ځني واخلي.
د پوليسو په وينا د دې كس په اړه دوى ته له مخكي لا خبر رسېدلئ وو، خو د موټر له چلوونكي څخه يې هم تحقيقات شروع كړي دي.
آدم خېل دره د پښتو قبايلو هغه سيمه ده چي له پوپنچې او توپك نه نيولې تر توپ او توغنديو پوري هر راز پرمختللي وسلې او ماينونه پكښي جوړېږي.