لراوبر ویب پاڼه لراوبر يو افغان – تازه خبرونه
دشنبې په ورځ د ننګرهار په ولایت کې په روان ټورنمنټ کې چې دیرش کرکټ لوبډلې پکې برخه لري دسباوون کرکټ لوبډلې د خوشکک ټیم ته سخته ماتې ورکړه، لومړی هم بېټینګ د سباوون ټیم وکړ چې په ترڅ کې دافغانستان د کرکټ دملي لوبډلې اتل لوبغاړي او د جرسي د ټورنمنت ستوري هستي ګل عابد په په څلور دیرش بالونو شپږ نوي منډې جوړې کړې هستي ګل عابد ۱۱ شپږیزی ووهلې، د سباوون په ټیم کې فیروز ۸۱ منډې او شفیع ۵۹ پنځوس منډې جوړی کړی چې له دی سره د سباوون کرکټ لوبډلې خوشکک ټیم ته د ۲۷۰ منډو موخه وټاکله خو د خوشکک د لوبډلې له خوا ۱۳۱ منډې جوړی شوې چې د سباوون د ټیم له خوا ورکړې شوي هدف ته ونه رسیده، د سباوون د کرکټ لوبډلې بالرانو هم ښه لوبه وکړه ستوري هستي ګل عابد دوه وېکټې ، ماهر او امید هم دوه دوه ویکټې واخیستې. دافغانستان د کرکټ ستوري هستي ګل عابد لر او بر ویبپاڼې ته وویل چې ددوی لوبډله به د چهارشنبې په ورځ له ارین کرکټ لوبډلې سره لوبه کوي. په ننګرهار کې د کرکټ روان ټورنمنټ د ننګرهار په کچه د غوره لوبډلې ټاکل دي. دسباوون دکرکټ لوبډلې مشر قاري هدایت الله حسین زاده خپل سباوون ټیم ته لس زره افغانۍ د ډالۍ په توګه ورکړې.