لراوبر ویب پاڼه لراوبر يو افغان – تازه خبرونه
په لغمان کې پنځلس زره (۱۵۰۰۰) کیلو ګرامه چاودېدونکي توکي د ملي امنیت ځواکونو په ځانګړو عملیاتو کشف او ونیول شول.
هغه عملیات چې د لغمان د ملي امنیت ځواکونو له لوري د مرکز اړوند د ده ملخ په سیمه کې تر سره شول، د بلوک جوړونې په یوه فابریکه کې ۱۵۰۰۰ کیلو ګرامه چاودېدونکي توکي چې د سیمنټو په بوجیو کې ځای پر ځای شوي ول، کشف او ونیول شول.
د نیول شویو چاودېدونکو توکو سره یو ځای دوه تنه تورن هم د ملي امنیت ځواکونو له لوري نیول شوي دي چې دا مهال ترې پوښتنې ګرویګنې روانې دي.
په دې اړه خپله کومي ډلي تر اوسه څه نه دي ويلي.