لراوبر ویب پاڼه لراوبر يو افغان – تازه خبرونه
طالبانو د رومانيايي عسكرو پر يوه كاروان بريد وكړ، چي د طالب وياند قاري يوسف احمدي په وينا پنځه رومانيايي عسكر يې پكښي ووژل.
پېښه نن د جمعې په ورځ د كابل او كندهار پر لويه لاره رامنځته سوې ده.
د رومانيا د دفاع وزارت هم په يوه خپره سوې پاڼه كي د بريد پخلى كوي خو وايي له امله يې يوازي يو عسكر وژل سوى او درې نور ټپيان سول.
د رومانيي له پلازمېني بخارست څخه په يوه خپاره سوي بيان كي راغلي چي ۲۹ كلن كلاډيوماريوس هغه وخت د طالبانو په بريد كي ووژل سو، چي د كابل او كلات ترمنځ يې له نورو ملګرو سره ګزمه كول.
طالبان وايي پر رومانيايي عسكرو يې اول راكټي بريد وكړ او ورسته يې لاسي بمونه هم ور وغورځول.