٥ اولسي وګړي وژل سوي او دوه ټپيان سوي

په دوو بېلابېلو پېښو کي پنځه عام وګړي مړه او دوه نور ټپيان دي
د شاوليکوټ ولسوالۍ د کارېزک په سيمه کي پر يوه موټر چاودنه سوې چي درې کسان پکښي وژل سوي .
ياده چاودنه نن سهار پنځه نيمي بجې مهال د عامو کسانو پر موټر سوې چي درې واړه سپرلي پکي شهيدان سوي دي. دغه بمي چاودنه د وسايطو ضد ماين چاودنه وه، چي د سړک پر غاړه ځاى پر ځاى سوى و.
دغه راز سهار وختي مهال د ارغنداؤ ولسوالۍ د مرچ اغا له باوړۍ سره يو فيلډر موټر د سرعت له امله د سړک څخه اوښتى دى.
په ياد موټر کي څلور تنه سپاره ول، چي دوه تنه پکي مړه او ٢ نور ټپيان دي. ياد موټر د تېز رفتار له امله له سړکه اوښتى دى.