لراوبر ویب پاڼه لراوبر يو افغان – تازه خبرونه
د میدان وردګو ولایت د سیداباد ولسوالۍ د تنګي د حسن خیلو سیمې اتلس شهیدانو کورنیو او ټپیانو سره د ولسمشر د ۶۸۲۶ ګڼې حکم له مخې د دولت د بیړني نهه نویم کوډ څخه لس شهیدانو کورنیو ته سل،سل زره افغانۍ او اته ټپیانو ته پنځوس،پنځوس زره افغانۍ مرسته د دغه ولایت د والي ښاغلي عبدالمجید خوږیاڼي او نورو مسؤلینو له لورې ورکړل شوې ، د روان کال د مرغومې په څلرویشمه نیټه امریکایي ځواکونو د یو لړ عملیاتو په ترڅ کې چې په یاده سیمه کې ترسره کړل،اتلس بې ګناه وګړو ته مرګ ژوبله واړوله،چې د شهیدانو کورنیو او ټپیانو سره نن د مرستې پرمهال د میدان وردګو والي د دوی شهیدانو ته جنت الفردوس د غوښتنې ترڅنګ د دوی د کورنیو غړیو او ټپیانو ته وویل: حکومت همیشه هڅه کړې،چې ولسونه له ځان سره نږدې وساتي .
ده زیاته کړه،ولسونو ته هم پکار ده،چې د حکومت د دغه نږدوالی او اړېکو ساتلو کې له دوی سره همکار پاتې نشي، د میدان وردګو والي همدا راز له یادو کسانو څخه غوښتنه وکړه،چې پخپلو سیمو کې هغه چاته چې د دې سیمې د خلکو او حکومت پر وړاندې خنډونه راولاړوي،ځای مه ورکوئ .
د یاده مرستې اخیستنې پرمهال مرسته اخیستونکي ټپي عمران الله غوښتنه وکړه،چې تردې وروسته دې په میدان وردګو ولايت کي دا ډول کړني نه ترسره کيي.