لراوبر ویب پاڼه لراوبر يو افغان – تازه خبرونه
هغه رنګونه اوس دنیا کی نشته
زما او ستا رنګونه
د مینی رنګ د خوشحالې رنګونه
او هغه موسم د ګلو
د اټنونو او ګدا باران
د ولولو د تلوسو، ائینه
اوس په دنیا کی نشته
دنیا اوس وچه ده
بیدیا په شانی
+++
نه پوهیږم
او شاید یی زه نه وینم
یو څه د عمر تاثیر
یو څه نا څه د امیدونو تاثیر
او د برخلیکونو او خدایی تاثیر
خو زه یی نه وینمه
شاید زوړ شوی یمه
که څه هم زوړ نه ښکارم
سمیع الله خالد سهاک
کالیفورنیا، امریکا
۰۶/۱۲/۲۰۱۳
