لراوبر ویب پاڼه لراوبر يو افغان – تازه خبرونه
دکندهارولایت مقام څخه په رارسېدلي خبرپاڼه کښي ویل سوي دي چي پرون افغان ځواکونو د ارغنداب په خواجه ملک، سرکاري باغ او مرجان کليو کښي د تصفيوي عملياتو په ترڅ کښي د زیاتووسلو او ماينونو تر څنګ دوه تورن کسان هم نيولي دي.
ياد تصفوي عمليات چي د افغان ملي اردو د ځواکونو له خوا په دوو ورځوکښي اجراسول، په ترڅ کښي يې درې راکټونه، ٦ د راکټونو فېوزان، ٩ نهه د راکټ ګلولې، ٤مله کلاشنکوفونه، ١٠ شاژورونه، ١٦ د ماينونو لپاره کارېدونکي بېټرۍ، ٥ د ماينونو فېوزان او ٨ ماينونه کشف او تر لاسه سوي دي.
دیادو ولایت چارواکي وايي چي افغان امنيتي ځواکونو هڅه کوي چي د تصفيوي عملياتو په تر سره کولو د کليو او ليرو پرتو سيمو خلکو ته ارام او هوسا ژوند ور په برخه کړي. وسله والو طالبانو لا تراوسه په دې اړ څه نه دي ویلي.