لراوبر ویب پاڼه لراوبر يو افغان – تازه خبرونه
دشپږم سرحدي زون پولیسو دیوه پاکستاني طالب قوماندان په ګډون څلوروسلوال مخالفین وژلي او څلور نوریې سخت ټپیان کړي.
په هلمندکي دشپږم سرحدې زون قوماندان سمونوال سلطان محمود ( محمود) وايې چي تیره ورځ له غرمې وروسته پر دوه بجي دخانشین ولسوالۍ دتاغز او ملخان په سیمه کي ددویم کنډک پولیس په ګزمه بوخت وه چي وسلوال مخالیفینوپرې برید وکړ .
دقوماندان په وینا چي جګړې یوساعت دوام وکړ او په پایله کي یې دوسلوالو یوقوماندان چي پاکستانی دی او دشبکې نوم یې خطاب دی د دریو نورو ملګرو سره ووژل سو .
ترڅنګ یې څلور تنه نور وسلوال مخالیفین هم سخت ټپیان سوي او هغوۍ وسلوالو له ځان سره وړي دي .
دوژل سوي پاکستان قوماندان جسد دجګړې پرمیدان پاته سوی او دسرحدي ځواکونو لاسته ورغلی دی .
سرحدي پوليس وايي په دغه جګړه چي یو میل دراز نوف یا لیري ویشتونکی هم نیولی دی .
د سرحدي پوليسو اعلاميي له مخي په دغه جګړه چي تیره ورځ رامینځته یوې وه افغان پوله ساتونکوځواکونوته هیڅ ډول زیان ندی رسیدلی .