لراوبر ویب پاڼه لراوبر يو افغان – تازه خبرونه
پېښور : د مبارکې روژې نه درې ورځې وړاندې چې په کوهاټ روډ ځنگلي کې د افغانانو پر کمپ برېښنا بنده شوې ده. اوس هم هغوى تراويح په توره تياره کې کوي. په رپوټ کې ويل شوي دي چې دا کډوال د لرې ځايونو څخه د څښاک اوبه راوړي او د گرمۍ له امله د ماشومانو ژوند ته سخت خطر پېښ شوي . د کمپ مشرانو په پېښور کې افغان قونسلگرۍ ته خپله ستونزه رسولې خو تراوسه پورې پرې هيڅ غور نه دى شوى. د کمپ د بجلۍ (برېښنا) ټيکيدار وايي چې د برېښنا رياست ځايي مامورين ترې رشوت غواړي چې تراوسه يې رشوت په دې نه دى ورکړى چې په کمپ کې له افغانانوڅخه د ورکړي رشوت روپۍ بيا څوک نه ورکوي. د يادونې وړ ده چې په پاکستان کې د افغان کمپونو کې افغاني ټيکيداران او د واپډا (برېښنا) مامورين په دا ډول رشوت اخستلو کې سره شريک وي چې په ياد کمپ کې لا موافقې ته نه دي رسيدلي او پر افغانانو برېښنا بنده ده.