لراوبر ویب پاڼه لراوبر يو افغان – تازه خبرونه
ستــا د پـیـکـــی او انـنـګــیــو درتـــه څــــه و وايـــم
د خـپـلـو اوښکـو او سلـــګيـو درتـــه څــه و وايـــم
چــي پـــه يــوه نــظــر يــې ســـل ځلــه وژلــی يـمـــه
د هـغـــه سـتـرګـــو خـونــړ يــو درتـــه څــــه و وايــم
نـه مي ګـريوان تـه د رقيب نــه د جانـان رسي لاس
د خــپــلــو ډيـرو بـیــوســـيـو درتـــــه څــــه و وايــم
پر دې سوځلو دښتو خدای خبر چي وه به سپړي
اه . د وړو وړو غـــــوټـــيـــو درتـــــه څــــه و وايــــم
دنــوو نـــوو حــادِثو پــه منــځ کي ورک يم اشنــــا
د هــغــه پيــښــو پــرونــيـو درتـــه څـــــه و وايـــــم
دهء پښــتـو هيره کړه په خپل کلتور ملنډي وهي
ددې بـېـــننــګ د بېــننګــيـو درتـــه څــــه و وايــم
چي به له وهمه په ځانګو کي زما په نوم ويدېدل
اوس د پنجــاب د تورلينګيو درتـــه څــه و وايـم
ښـه دی چي زړه دي لا تراوسه پـه امان پاتــه دی
کـــه نـــه د عشــق د ليونــيـو درتـــه څــــه و وايــم
تنکي ګلان مي ستاپه تور اوربل کي نه و ټومبل
نــور د خوني خونـي سيلــيـو درتـــه څــــه و وايــم
پر وچــو شونـــډو ملتـيـاره مُـسکا نـــه وه د چــا
د سـوو ســوو ، آسويـــلــيـو درتـــه څــه و وايـــم
a.millatyar@gmail.com ايميل :
