لراوبر ویب پاڼه لراوبر يو افغان – تازه خبرونه
داقتصاد وزیر عبدالهادي ارغندیوال پرون په یوه خبری غونډه کښي وویل چي هغه هیوادونه چي له افغانستان سره ئې مالي مرستي کړي دي، د تیرو لسو کلنو راهیسي نه دي توانېدلي چي د افغانستان برېښنا جوړه کړي. ښاغلی ارغندیوال وایي چي وروسته له دې به داقتصاد وزارت کوښښ کوی چي دافغانستان د طبیعی منابعو څخه په مؤثره توګه استفاده وکړي. دښاغلي ارغندیوال په ویناد افغانستان رواني اوبه درویشت(۲۳)زره میګاواټه برېښنا تولیدولای سي، که مؤثره استفاده ورڅخه وسي، افغانستان کولای سي ګاونډی هیوادونو ته هم برق ورکړي. په یاده غونډه کښي د کابل والی عبدالجبار تقوا وویل چي نړۍ والي ټولني له افغانستان سره ډېری مرستي وکړې خو دا چي په افغانستان کښي سیسټم او تګلاره ورته جوړ نه ول؛ بې ځایه مصروف سوې.د کابل والي دډونرانو او افغان دولت ترمنځ نه همکاري د بې ځایه مصارفویوعامل وبلئ.
پورته څرګندوني په داسی حال کښي تر سره کیږی چي تېره اونۍ په لومړي ځل د نړۍ والي ټولني او افغان حکومت تر منځ د حساب ورکونی غونډه وسوه چي دافغان حکومت په دولتي ادارو کښي د فساد له زیاتوالی څخه شکایت وسو. دمالیې وزیر عمر زاخیلوال په یاده غونډه کښي ویلي وه چي اداري فساد ددې سبب سوی دئ چي اکثره ملي پروژې په افغانستان کښي تطبیق نه سي.