لراوبر ویب پاڼه لراوبر يو افغان – تازه خبرونه
په روزګان کي پنځوسو نرسانو فراغت ليکونه تر لاسه کړي.
د روغتیا په برخه کي د نرسانواو قابلو روزنه د مور او کوچني د مړیني په کچه کي د پام وړ کموالی رامنځ ته کوي.
که څه هم په روزګان ولایت کي د لیرو پرتو اولسوالیو او سیمو خلک له لومړنیو روغتیایي خدمتونو څخه برخمن دي خو له دې سره سره ځیني ستونزي په یادو سیمو کي ستون لري، د بېلګي په توګه په ليرو پرستو سیمو کي د نرسانو او قابلو د نستوالي له کبله یو شمېر مېندي د زیږون پر مهال له ګڼو ستونزو سره لاس او ګریوان وي آن داچي خپل ژوند هم له لاسه ورکوي.
د عامي روغتیا ریاست د یادي ستونزي د حل په موخه دامهال د مرستندویه ټولني په مرسته ۵۰ قابلګانو او ۲۶ نرسانو ته دوه کلنۍ زده کړي پیل کړي دي.
د عامي روغتیا رییس خان آغا میاخیل وایي چي د یادو قابلو او نرسانو په روزلو سره به د زیږون پر مهال د مور او کوچني د مړیني په کچه کي د پام وړ کمی رامنځ ته سي.
نوموړي زیاته کړه یادي قابلې او نرساني د ترینکوټ د مرکز په ګډون له یو شمېر اولسوالیو څخه راغلي او په زده کړه بوخت دي چي له دوه کلو زده کړو وروسته به د عامي روغتیا وزارت له لوري د قابلګۍ او نرسنګ په برخه کي د دوو کلونو زده کړو رسمي سند ورکول سي، چي وروسته به خپلو سیمو ته ځي او هلته به په روغتیایي مرکزونو کي خلکو ته روغتیایي خدمات وړاندي کوي.