لراوبر ویب پاڼه لراوبر يو افغان – تازه خبرونه
تر دي مخکي پرون طالبانو د قطر په مرکز دوحه کي خپل دفتر پرانیستى.
د امریکا ولسمشر بارک اوباما وویل، د دې دفتر پرانستل د روغي جوړي په لور لومړی ګام دئ؛ خو بارک اوباما څرګنده کړه، چي دا بهیر به اسانه هم نه وي.
د رویټرز اژانس په وینا، د ناروې هيواد د بهرنیو چارو وزیر “برټ ایډي” د طالبانو د دفتر د پرانیستلو تر اعلان وروسته په اوسلو کي وویل؛ له تېرو څو میاشتو راهیسي په ناروې کي پټي خبري رواني وې او د طالبانو دغو پټو خبرو دې ته لاره پرانیسله چي په دوحه کي دوی سیاسي دفتر خلاص کړي.
طالبانو نن ورځ د امريکا په غوښته د خپل دفتر څخه د اسلامي امارت نوم او همدا ډول خپل بيرغ ليري کړ .