لراوبر ویب پاڼه لراوبر يو افغان – تازه خبرونه
د عينو مېني لوبډله د کندهار د فوټبال اتلولي ترلاسه کړه
په کندهار کي د عينو مېني فټبال لوبډلي په پايلوبه کي د لوى احمدشاه بابا عالي لېسې فټبال لوبډلي ته په ماتي ورکولو سره د کندهار د فټبال د اتلولۍ تاج پر سر کړى.
د کندهار په احمدشاهي لوبغالي کي د فټبال دغه ټورنامينټ يوه نيمه مياشت مخکي د ١٤ الف لوبډلو ترمنځ پيل سوى و چي پايلوبه يې تېره ورځ د احمدشاه بابا لېسې او عينو مېني لوبډلو ترمنځ تر سره سوه.
احمدشاه بابا لېسې فټبال لوبډله ونه توانېده چي د تيري ورځي په لوبه کي له خپلي اتلولۍ دفاع وکړي او پايلوبه يې دوه د يوه ګول په مقابل کي د عينو مېني ځواني لوبډلي ته وبايلله.
ددې ټورنامينټ له جوړېدو څخه هدف د ځوانانو په منځ کي د فټبال لوبي مينه غښتلي کول وه.
د يادو سوو لوبو ليدلو ته به روزانه د کندهار په احمدشاهي لوبغالي کي په زيات شمير د فټبال نندارچيان راتلل او دواړي خواوي به يې په خپلو چکچکو او ولولو سره بدرګه کولې.
تر پايلوبي وروسته د ټورنامينټ پر غوره ټيم، لوبغاړو او منيجرانو باندي تحايف او جوايز هم ووېشل سول او په دې توګه يې له ښو کارکردګيو څخه ستاينه وسوه.