لراوبر ویب پاڼه لراوبر يو افغان – تازه خبرونه
دکندهار هرات پر لويه لاره د حوض مدت په سيمه کي پر يوه مسافروړونکي بس باندې دوسلوالو غلو له خوا د ډزو له کبله دوتنه دبس سپرلي ټپيان سوي دي .
دبس چلوونکي نثاراحمد وايي چې غلو دسيمه ييزو پوليسو يونيفورم اغوستې ؤ او دبس د دريدو هڅه يې کول خو دده په ټکو وروسته غلو ډزې ورباندې وکړې چې دوې ترې دتېښتي هڅه وکړه .
نثار احمد وايي چي په دغه پيښه کي يي دوتنه سپرلې ټپيان سوي چي وروسته دپوليسو له لوري دګرشک ولسوالۍ روغتون ته وليږدول سوه .
دکندهار هرات د لويه لاری بس چلوونکې پر پوليسو تور پوري کوي چي ډير کله پر دغه لاره په هغو سيمو کي چي ثابتي امنيتي پوستي نه وي دريږي او دمسافرو په چور لاس پوري کوي .
دکندهار دپوليس وياند غورځنګ افريدى مني چي پيښه رامنځته سوي ، خو هغه دا کار دسيمه ييزو پوليسو نه بلکي دطالبانو يادوي .