لراوبر ویب پاڼه لراوبر يو افغان – تازه خبرونه
یاده پيښه پرون مازدیګر ناوخته د غزني ښار د روضي په سیمه کي رامنځته سوي ده.
د غزني د ترافیکو مدیر محمدالله احمدي وایي چي پرون مازدیګر شپږ نیمي بجي د واده موټر له کابل څخه د غزني په لور روان وو د روضي په سیمه کي د عامه نظم له یو رنجر موټر سره ټکر سوی چي پکښي د ناوي په ګډون شپږ تنه مړه سوي او یو بل ټپي دی.
خو د غزني د ملکي روغتون مشر بازمحمد همت وايي چي دوی ته د پيښي څخه د شپږو تنو مړي او د ناوي په ګډون یي دري تنه په ټپي حالت کي وروړي دي.
همت زیاته کړه چي په مړو کي دوه ماشومان دوي ښځي او دوه نارینه شامل دي.