لراوبر ویب پاڼه لراوبر يو افغان – تازه خبرونه
د میدان وردګو د سیداباد ولسوالۍ قومي مشرانو د امنیت د ټینګښت په موخه د
دغه ولایت له والي سره غونډه وکړه .
دغه غونډه چې د میدان وردګو ولایت مقام کې جوړه شوې وه،قومي مشرانو د دغه
ولایت والي ښاغلي عبدالمجید خوږياڼي ته په یاده ولسوالۍ کې د امنیتي وضعې
به اړه معلومات ورکړل او همدا راز یې په هغو سیمو کې چې وخت ناوخت کومه
ستونزه راپېښیږي،د مخنیوي په موخه یې خپلې مشورې ورسره شریکې کړې .
د میدان وردګو والي ښاغلي عبدالمچید خوږیاڼي دغه مشرانو ته وویل دغه
ولایت ستاسې دی او د امنیتي ارګانونو ترڅنګ لازمه ده،چې تاسې هم له دغه
ارګانونو سره بشپړ همکاري وکړئ .
نوموړي دغه قومي مشرانو ته وویل : په دې ولایت کې ټول نظامي او ملکي
ادارې ستاسې د ولسونو د امنیت ساتلو او مشکلاتو د حل کولو په موخه کار
کوي،خو له دغه دواړو ادارو سره ستاسې همکاري او مرسته ډیره اړینه ده .
ده زیاته کړه، همدا دا دولسونو مرسته ده،چې موږ په دې وروستیو کې د دې
ولایت په بېلابېلو سیمو کې په امنیتي برخه کې ډیری لاسته راوړنې لرو او
لامله یې ورځ تر بلې په دغه ولایت کې امنیتي وضعه په مثبت ډول بدلون مومي