لراوبر ویب پاڼه لراوبر يو افغان – تازه خبرونه
په ننګرهار کې د شپږو زونونو کرکټ لوبډلو ترمنځ شل اوريزې سيالۍ پيل شوې.
دغه سيالۍ د شپږو زونونو څخه د يوې يوې لوبډلې په ګډون د جلال اباد ښار د بهسودو کرکټ په لوبغالي کې پيل شوې.
په دغو سياليو کې د ننګرهار، ميدان وردګ، کندوز، بغلان او کندهار کرکټ لوبډلو برخه اخيستې ده.
ددغو سياليو په لومړى لوبه کې ننګرهار کرکټ لوبډلې لوګر ته او په دوېمه لوبه کې ميدان وردګ کندوز ته د څلور اويا منډو په توپير ماتې ورکړه.
په ترسره شوې لوبه کې لوګر د ټولو لوبغاړو په سوځېدو يوسلو اوه دېرش منډې جوړې کړې.، چې ننګرهار دغه هدف د اتو لوبغاړو په سوځېدو په وروستي اور کې پوره کړ.
ياده دي وي دغه سيالۍ د لوبې سپورتي روزنيزې موسسې له خوا په لاره اچول شوي دي.
دغې موسسې په لومړيو کې په شپږو زونونو کې ټرايل واخېسته او يادې لوبډلې يې جوړې کړې.