لراوبر ویب پاڼه لراوبر يو افغان – تازه خبرونه
لراوبر – کابل
نن د ولسي جرګې په استيضاحيه غونډه کښي چي د ملي ټلويزيون څخه په ژوندۍ بڼه خپرېدل د ملي امنيت د ادارې ريس امر الله صالح په سلو ۱۰۰ عدم اعتماد رايو، ۷۲ اعتماد رايو، د کورنيو چارو وزير ضراراحمدمقبل په يو سلو لسو ۱۱۰ عدم اعتماد رايو، ۶۲ اعتماد رايو او ۵ باطلو رايو او د دفاع وزير جنرال رحيم وردګ هم په يو سلو لسو ۱۱۰ عدم اعتماد رايو، ۶۲ اعتماد رايو او ۵ باطلو رايو سره پر خپل ځای پاتي کړل .
د ولسي جرګې ننۍ استيضاحيه غونډه پداسي حال کښي تر سره شوه؛ چي تر ۷۰ پوري وکيلان چي ځيني يې بيخي دايمي غير حاضيران دي غير حاضير ول .
ننۍ استيضاحيه غونډه د ولسي جرګې د پرونۍ پرېکړې سره تر سره شوه؛ چي د ملي امنيت رئيس، کورنۍ او دفاع وزيران يې ولسي جرګې ته د مجاهدينو د بري د ۱۶ مي کاليزي د جشن د ګډوډۍ په اړه د استيضاح د پاره ور غوښتي ول.
پاتي دي نه وي چي درې واړه مقاماتو په اعتراف او بخښني سربېره د ځان په استيضاح کولو خوښي هم څرګنده کړه .