لراوبر ویب پاڼه لراوبر يو افغان – تازه خبرونه
خوست: نن ورځ شنبه دمارچ نهمه نیټه د غرمي شاوخوايوولس نيمې بجې، دخوست په ښارکې ديوه ځانوژونکي بريد له امله اته ماشومان اويوپوليس ووژل شول.
د خوست ولايت یوه چارواکي رسنیو ته ویلي ، چې دغه ځان وژونکی بريد دخوست ښاردمرکز اړونددمنګسو په سیمه کي دګونډيوسړک پرسر دکورنيواوبهرنيوځواکونو پرګډ کاروان دتیریدوپر وخت شوی دی.
ده وويل، چې د بريد په پايله کې اته ماشومان او يو پوليس وژل شوي او دوه ماشومان هم ټپيان شوي دي.
دخوست ولايت د عامې روغتيا رييس یوی رسني ته وويل، چې له دغې پېښې څخه دوه ماشومان په ټپي حالت کې وروړل شوي دي، چې د يوه ماشوم روغتيايي حالت يې د اندېښنې وړ دی.
تر اوسه په سوېل ختيز زون کې مېشتو بهرنيو ځواکونو او د دولت وسله والو مخالفينو په دې اړه کوم نظر نه دی څرګند کړی.