لراوبر ویب پاڼه لراوبر يو افغان – تازه خبرونه
پــه خواشينۍ سره موخبرترلاسه کړ چي دپښتوژبي تکړه اوهڅاند شاعر (عبدالمالک مستانه ) دتيرزيارت په شپه په جنوبي پښتونخواکوټه کي دځينو بې رحمو کسانو له خوالومړی وتښتول شو اوبيا په شهادت ورسېد . انالله و انا الیه راجعون !
نوموړی په ۱۳۵۳ش هجري کي دترين کوټ ولايت ،چارچينو ، ولسوالۍ دحاجي ميرولي خان په کور کي زېږيدلی وو چي د ډيري مودې راپه دېخوا د کوټي په ښارکي دخپلي کورنۍ سره اوسېدئ.
عبدالمالک مستانه ، دنثر ترڅنګ په پښتو شعر کي هم ښه لاس درلود چي په دغه لړکي يې ( مستانه دعشق جهان يم ) شعري ټولګه په ۲۰۰۹ ع کي په کوټه کي چاپ شوې وه ، د نوموړي دوه ناچاپ اثار هم لرله .
دارواښاد مستانه يو شعر :
خوار ملت مي بيا ځوکليـــږي ، ټـــول يې وينــي
اه ، پــــه ويـــنو کـــي لمبــيــږي ، ټــول يـې وينــي
دبـــلا غــونـــــدي تـــيــارې راځــــي بــــدشکــلـــه
درڼــــاډېــــوه مــــړه کــيـــږي ، ټـــول يــــې وينــي
ورځ پــــه غــــم کـــي ، شـــپــه پــه هجــرتيرومـــه
ژونـــــد دټــــولـــوبــــربــاديــږي ، ټـــول يې وينـي
هــروګــــړی مــونــن بـيـــا لاس اوګـــريـــــوان دی
ورور دورور په مرګ خوښيږي ، ټول يې ويني
زمــوږ دخــټــوکــورګـــئ وران دی لا ورانــيـږی
بــنــګلـــې د دوی جـــوړيــږي ، ټــول يــې ويـنــي
وچـــي نــه شولـــې زُمــــا دســـترګـــواوښــکـــي
يـار دمرګ کــنـــدي تـــه لويـږي، ټول يې ويني
زمـــالا هـغـــه پخـــوانـــی پـــر هـــرجـــوړنــــه وو
دوی وبـــل جنګ تــــه پاڅيږي ، ټول يـې ويني
نــــه ديـــار نـــه د رويـــبـــار درک مـــعـــلـــوم دی
بـــې اميــــده ورځ تــيـــريـــږي، ټــول يـې وينـي
تـورمـــاښام دی مســتانــــه دقــــــام غمخـوره
پرپښتون مي زړه خــوږ يـــږي، ټــول يې ويني
